Та мөнгөө төлж байгаа бол Та дүрмээ зохионо. Ямар зөвлөх авч ажиллуулах, олигтой практик туршлагагүй, таныг сургаж чадахгүй, ажилд тань туслахгүй бол талбайгаасаа явуулах нь таны эрх ш дээ. 2008 онд юм даа, SGS-д байхад Австралиас 2 зөвлөх 1 жилийн хугацаатай ирж билээ. Дээгүүр гадаад дарга нартай ярьж байгаад 1,2 сая долларын зөвлөх үйлчилгээний гэрээ хийсэн байсан юм. Ирсэн 1 зөвлөх нь Австралидаа цагдаа байсан нөхөр, нөгөөх нь Афганистанд байлдаж байгаад ирсэн цэрэг... 10 сар хамт ажиллаад би үгээ хэлсэн: Босс, энэ 2 баагий чинь гэрт суучихаад, надад олигтой ч юм заахгүй, hard disk-нээсээ ганц хоёр материал өгсөн болчихоод байгаад байх юм. Би ингэж мөнгө үрмээргүй байна гээд уурхайн Канад даргадаа хэлж байгаад хөөгөөд явуулсан. Нэг ажил хийх гэхээр нь нөгөө 2 нийлчихээд завааруулаад хаячихдаг байж билээ...
Та мөнгө төлж байгаа бол Хөгжмөө өөрөө сонгоно. Анх гэрээ хийхдээ ч дурьдаад оруулж өгч болно. Жишээ нь:
- Манай компани дээр ирж зөвлөгөө өгөх хүн нь ... жил ХАБЭА-аар ажилласан туршлага,
- Ийм боловсролтой,
- Тийм тийм зүйл хийж өгч чадах,
- Энэ асуудлын хүрээнд надад үүнийг ойлгуулах чадвартай хүн байна,
- Хэрэв бидэнд зааж чадаагүй бол зөвлөхөө солих эрхийг захиалагч тал эдэлнэ гм...
Жич: Б.Ганжигүүр нь сургалт хийхгүй, зөвлөгөө өгөхгүй. Зөвхөн үйлчлүүлэгч байгууллагууддаа бол утсаар жижиг хэмжээний үнэгүй зөвлөгөө бол өгдөг.
Б.Ганжигүүр
HSCT ХХК
